சென்னை தாம்பரம் அருகே, சமையல் எரிவாயு சிலிண்டரில் ஏற்பட்ட தீ விபத்தில், காயம் அடைந்த 2 பேர், மருத்துவமனையில் சிகிச்சை பெற்று வருகின்றனர்.
சென்னை தாம்பரம் அருகே உள்ள பெரியார் நகரில், ரமேஷ் என்பவர் வீடு ஒன்றை கட்டி வந்துள்ளார். இந்த கட்டுமான பணியில், சின்னதுரை, செந்தில் முருகன் ஆகிய இரண்டு பேர், ஈடுபட்டு வந்துள்ளனர்.
மேலும், கட்டுமான பணி நடக்கும் இடத்திலேயே தங்கி இருவரும் தங்கியுள்ளனர். இந்நிலையில், உணவு சமைப்பதற்காக, எரிவாயு சிலிண்டரை இன்று பயன்படுத்தியுள்ளனர். அப்போது, ஏற்பட்ட தீ விபத்தில் இரண்டு பேரும் படுகாயம் அடைந்தனர்.
அலறல் சத்தம் கேட்டு வந்த அக்கம் பக்கத்தினர், அவர்களை மீட்டு, மருத்துவமனைக்கு அனுப்பி வைத்தனர். இதுகுறித்து வழக்கு பதிவு செய்த காவல்துறையினர், விசாரணை நடத்தி வருகின்றனர்.