புதுச்சேரி அருகே, செருப்பு வாங்குவது போல் நடித்து, இரண்டு பேர் பணத்தை திருடி செல்லும் சிசிடிவி காட்சிகள், பரபரப்பை ஏற்படுத்தியுள்ளது.
புதுச்சேரியில் உள்ள காந்தி வீதியில், பிரபல செருப்பு கடை ஒன்று செயல்பட்டு வருகிறது. இந்த கடைக்கு ஜோடியாக வந்த இரண்டு பேர், கல்லா பெட்டியில் இருந்த பணத்தை திருடிச் சென்றதாக, உரிமையாளர் காவல்துறையில் புகார் அளித்தார்.
புகாரை ஏற்ற காவல்துறையினர், வழக்கு பதிவு செய்து, சிசிடிவி காட்சிகளை ஆய்வு செய்தனர். அதில், செருப்பு வாங்குவது போல் நடித்து, இரண்டு பேரும் பணத்தை திருடியிருப்பது தெரியவந்தது.
இதனைக் கண்டு அதிர்ச்சி அடைந்த காவல்துறையினர், இரண்டு பேரையும் தேடி வருகின்றனர். இதற்கிடையே, பணத்தை திருடும் சிசிடிவி காட்சிகள் வெளியாகி, பரபரப்பை ஏற்படுத்தியுள்ளது.