பராமரிப்பு பணிகள் காரணமாக 44 மின்சார ரயில் சேவைகள் இன்று ரத்து செய்யப்பட்டுள்ளன.
தெற்கு ரயில்வே சென்னை மண்டலம் தெரிவித்துள்ளதாவது:
சென்னை – விழுப்புரம் வழித்தடத்தில் இன்று காலை 11:00 மணி முதல் மாலை 3:15 மணி வரை தண்டவாள பராமரிப்பு பணிகள் நடைபெற உள்ளதால், தாம்பரம் – சென்னை கடற்கரை வழித்தடத்தில் ரயில் சேவை ரத்து செய்யப்படுகின்றன. அதன்படி, மொத்தம் 44 மின்சார ரயில் சேவைகள் இன்று ரத்து செய்யப்பட்டுள்ளன.
அதேநேரத்தில், பயணிகளின் வசதிக்காக தாம்பரம் – செங்கல்பட்டு இடையே, நாளை காலை 11:00, 11:50, 12:30, 1:00, 1:45, 2:15 மணிக்கு ரயில் சேவைகள் இயக்கப்படும். இதேபோல், செங்கல்பட்டு – தாம்பரம் இடையே இன்று காலை 9:40, 10:20, 10:55, 11:30, 12:00, 12:20, 1:00 மணிக்கு ரயில்கள் இயக்கப்படும். இவ்வாறு தெரிவித்துள்ளது.
இதேபோல் செங்கல்பட்டு மற்றும் அரக்கோணம் வழித் தடத்தில் இன்று மின்சார ரயில் சேவைகள் ரத்து செய்யப்பட்டுள்ளன. சென்னை சென்ட்ரல்-அரக்கோணம் வழித் தடத்தில் உள்ள பேசின்பிரிட்ஜ்-வியாசர்பாடி ஜீவா ரயில் நிலையங்களுக்கு இடையே பராமரிப்பு பணி நடைபெறுவதால், இன்று சில புறநகர் மின்சார ரயில் சேவைகள் ரத்து செய்யப்பட்டுள்ளன.