கே.ஜி.எப், கே.ஜி.எப் 2 ஆகிய இரண்டு படங்களின் மூலம், இந்தியா முழுவதும் பிரபலம் அடைந்தவர் இயக்குநர் பிரசாந்த் நீல். இவர் தற்போது நடிகர் பிரபாஸ் மற்றும் பிரித்விராஜை வைத்து, சலார் என்ற படத்தை இயக்கி முடித்துள்ளார்.
இந்த திரைப்படம் வரும் டிசம்பர் 22-ஆம் தேதி, தமிழ், தெலுங்கு, கன்னடம், மலையாளம், இந்தி ஆகிய மொழிகளில், திரையரங்குகளில் வெளியாக உள்ளது. இந்நிலையில், இப்படத்தின் சென்சார் தொடர்பான தகவல் வெளியாகியுள்ளது.
அதன்படி, இப்படத்திற்கு A சான்றிதழ் வழங்கப்பட்டுள்ளது. மேலும், இப்படத்தின் ரன்னிங் டைம், 2 மணி நேரம் 55 நிமிடங்கள் என்று கூறப்பட்டுள்ளது.
நீளமான ரன்னிங் டைம் கொண்ட படங்கள் தொடர்ச்சியாக வெற்றி பெற்று வருவதால், இப்படமும் ப்ளாக் பஸ்டர் ஹிட் அடிக்கும் என்று எதிர்பார்க்கப்படுகிறது.
ஜெயிலர், ஜவான், அனிமல், லியோ ஆகிய திரைப்படங்கள், 3 மணி நேரத்துக்கு குறைவில்லாமல் இருந்து, ப்ளாக் பஸ்டர் ஹிட் அடித்த திரைப்படங்கள் என்பது குறிப்பிடத்தக்கது.