பாஜக கூட்டணியில் பாமக போட்டியிடும் 10 தொகுதிகளில் 9 தொதிகளுக்கான வேட்பாளர் பட்டியல் வெளியிடப்பட்டுள்ளது.
இது குறித்து பா.ம.க. தலைவர் அன்புமணி ராமதாஸ் வெளியிட்டுள்ள அறிக்கையில் கூறியிருப்பதாவது:-
தமிழ்நாட்டில் வரும் ஏப்ரல் 19 அன்று நடைபெறவிருக்கும் மக்களவைத் தேர்தலில், தேசிய ஜனநாயகக் கூட்டணியில் பாட்டாளி மக்கள் கட்சிக்கு 10 மக்களவைத் தொகுதிகள் ஒதுக்கப்பட்டு உள்ளன. அவற்றில் பாட்டாளி மக்கள் கட்சி சார்பில் போட்டியிடும் 9 வேட்பாளர்களின் பெயர்கள் அடங்கிய முதல் பட்டியல் பா.ம.க. நிறுவனர் டாக்டர் ராமதாஸ் ஒப்புதலுடன் அறிவிக்கப்படுகிறது. காஞ்சிபுரம் மக்களவைத் தொகுதியின் வேட்பாளர் விவரம் பின்னர் அறிவிக்கப்படும்.
வேட்பாளர்கள் விவரம்:
- திண்டுக்கல்- கவிஞர் ம.திலகபாமா
- அரக்கோணம்- வழக்கறிஞர் கே.பாலு
- ஆரணி- முனைவர் அ.கணேஷ் குமார்
- கடலூர் – தங்கர் பச்சான்
- மயிலாடுதுறை – ம.க.ஸ்டாலின்
- கள்ளக்குறிச்சி – இரா. தேவதாஸ் உடையார்
- தருமபுரி – அரசாங்கம்
- சேலம் – ந. அண்ணாதுரை
- விழுப்புரம் – முரளி சங்கர்