போர் தொழில் இயக்குநரின் அடுத்த படம்! மாஸ் ஹீரோவுடன் கூட்டணி!

விக்னேஷ் ராஜா இயக்கத்தில், அசோக் செல்வன் நடிப்பில், கடந்த 2023-ஆம் ஆண்டு வெளியான திரைப்படம் போர் தொழில்.

சைக்கோ கில்லரை மையப்படுத்தி எடுக்கப்பட்டிருந்த இந்த திரைப்படம், ரசிகர்களை வெகுவாக கவர்ந்திருந்தது.

இந்நிலையில், இப்படத்திற்கு பிறகு, இயக்குநர் விக்னேஷ் ராஜா, பிரபல மாஸ் நடிகருடன் கூட்டணி வைக்க இருப்பதாக, தகவல் வெளியாகியுள்ளது. அதாவது, இவர், நடிகர் தனுஷிடம் புதிய கதை ஒன்றை கூறியுள்ளாராம்.

இந்த கதை, தனுஷ்-க்கு பிடித்துவிட்டதால், விரைவில் இவர்கள் இணைய இருப்பதாக கூறப்படுகிறது. இப்படம், கிட்டதட்ட உறுதி செய்யப்பட்டுள்ளதாகவும் சொல்லப்படுகிறது.