சிவா மனசுல சக்தி, பாஸ் என்கிற பாஸ்கரன், ஒரு கல் ஒரு கண்ணாடி போன்ற பல்வேறு வெற்றிப் படங்களை இயக்கியவர் ராஜேஷ். ஆனால், இந்த படங்களுக்கு பிறகு இவர் இயக்கிய, ஆல் இன் ஆல் அழகுராஜா, கடவுள் இருக்கான் குமாரு, மிஸ்டர் லோக்கல் போன்ற திரைப்படங்கள், தோல்வி அடைந்தன.
இதனால், மீண்டும் கம்பேக் கொடுக்க வேண்டும் என்று போராடி வரும் ராஜேஷ், தற்போது ஜெயம் ரவியை வைத்து, பிரதர் என்ற படத்தை இயக்கி முடித்துள்ளார். இந்த படத்தில், பிரியங்கா அருள் மோகன், பூமிகா, நட்டி நட்ராஜ், சரண்யா பொன்வண்ணன், சீதா உள்ளிட்டோர் முக்கிய வேடத்தில் நடித்துள்ளனர்.
ஹாரிஷ் ஜெயராஜ் இசையமைத்துள்ள இப்படத்தின், ரிலீஸ் தேதியை, படக்குழுவினர் இன்று அறிவித்துள்ளனர். அதன்படி, வரும் தீபாவளி பண்டிகை அன்று, இப்படம் ரிலீஸ் ஆக இருப்பதாக அறிவிக்கப்பட்டுள்ளது.