அஜித் நடித்து வரும் விடாமுயற்சி திரைப்படம், பல மாதங்களாக எடுக்கப்பட்டு வருகிறது. இந்த திரைப்படத்தின் படப்பிடிப்பு முடியாத காரணத்தால், அதற்குள் அஜித் தனது அடுத்த படத்திற்கான பணியிலேயே இறங்கினார்.
மேலும், நிதி பிரச்சனையாலும், இப்படம் சில நாட்களுக்கு நிறுத்தி வைக்கப்பட்டிருந்தது. இவ்வாறு பல்வேறு பிரச்சனைகளை சந்தித்த இப்படம், தற்போது இறுதிக்கட்ட படப்பிடிப்பில் உள்ளது.
இந்நிலையில், இந்த திரைப்படத்தின் படப்பிடிப்பு எப்போது முடிய உள்ளது என்ற தகவல் கிடைத்துள்ளது. அதன்படி, வரும் 16-ஆம் தேதியோடு, ஐதராபாத்தில் இப்படத்தின் சூட்டிங் முடிய உள்ளதாம்.
மேலும், வெளிநாட்டில் இப்படத்திற்கான பாடலை, படமாக்க இருப்பதாக படக்குழுவினர் முன்பு கூறியிருந்தனர். ஆனால், படத்தை தீபாவளிக்கு ரிலீஸ் செய்ய வேண்டிய நிர்பந்தம் இருப்பதால், பாடலை படமாக்குவார்களா? இல்லையா என்பது தெரியவில்லை.