வெங்கட் பிரபு இயக்கத்தில், விஜய் நடிப்பில் உருவாகி வரும் திரைப்படம் தி கோட். விநாயகர் சதுர்த்தியை முன்னிட்டு, வரும் செப்டம்பர் 5-ஆம் தேதி அன்று, இந்த திரைப்படம் ரிலீஸ் ஆக உள்ளது.
இந்நிலையில், இப்படத்தின் இயக்குநர் வெங்கட் பிரபு, பிரபல ஊடகம் ஒன்றிற்கு பேட்டி ஒன்றை அளித்துள்ளார். அந்த பேட்டியில், தி கோட் படத்தின் கதை என்னவென்று, தெரிவித்துள்ளார்.
அதாவது, “சிறப்பு தீவிரவாத எதிர்ப்பு குழு ஒன்று, சிறப்பாக வேலை செய்து வருகிறது. அந்த குழு, ஒரு காலத்தில் செய்த விஷயம், தற்போது ஒரு பிரச்சனையை கொண்டு வருகிறது.
இந்த பிரச்சனையில் இருந்து, அவர்கள் அனைவரும் எப்படி தப்பித்தார்கள்? அதனை எப்படி எதிர்கொண்டார்கள் என்பது தான் படத்தின் கதை” என்று வெங்கட் பிரபு கூறியுள்ளார்.
இவ்வாறு படத்தின் கதையை வெளிப்படையாக கூறிவிட்டால், படத்தின் மீதான எதிர்பார்ப்பு என்பது குறைய வாய்ப்பு உள்ளது. ஆனால், அதனையும் மீறி, வெங்கட் பிரபு கதையை தெரிவித்திருக்கிறார். இது பாதகமான செயலா? சாதகமான செயலா? என்பதை, படத்தின் ரிலீஸ்-க்கு பிறகு தான் தெரிந்துக் கொள்ள முடியும்.