சூர்யா நடிப்பில், வெற்றிமாறன் இயக்கத்தில் வாடிவாசல் என்ற திரைப்படம் உருவாக இருப்பதாக, பல ஆண்டுகளுக்கு முன்பு கூறப்பட்டது. ஆனால், இன்று வரை, இப்படத்தின் படப்பிடிப்பை படக்குழு தொடங்காமலே உள்ளது.
இதனால், இப்படம் கைவிடப்பட்டதாக, இணையத்தில் தகவல் பரவி வந்தது. இந்நிலையில், விருது விழா ஒன்றில், இயக்குநர் வெற்றிமாறன் கலந்துக் கொண்டார்.
அப்போது பேசிய அவர், நீண்ட நாட்களாகவே, வாடிவாசல் திரைப்படம் வருகிறது என்று சொல்லிக் கொண்டு இருக்கிறோம். கூடிய விரைவில் இந்த படத்தை நாங்கள் தொடங்கிவிடுவோம் என்று கூறியுள்ளார்.
வெற்றிமாறன் இவ்வாறு பேசியதை வைத்து பார்க்கும்போது, இப்படம் கைவிடப்படவில்லை என்பது உறுதியாகியுள்ளது.