வித்தியாசமான கதைக்களங்களையும், கமர்ஷியல் ஆன கதைக் களங்களையும், சமநிலையுடன் கையாண்டு வருபவர் தனுஷ். இவர் நடிகராக பல உயரங்களை கண்டடைந்துவிட்டாலும், இயக்குநராக இதுவரை 3 படங்களை இயக்கியிருக்கிறார்.
அதில், 2 படங்கள் மட்டும் தான் ரிலீஸ் ஆகியிருக்கிறது. இதில் கடைசியாக வெளியான ராயன் திரைப்படம், கலவையான விமர்சனங்களை பெற்றாலும், வசூலில் மிகப்பெரிய வெற்றி படமாக மாறியது.
இந்நிலையில், இப்படம் குறித்து இயக்குநர் வெற்றிமாறன் பேசியுள்ளார்.
இதுகுறித்து அவர் பேசும்போது, “இது ஒரு இயல்பான முன்னேற்றம் என்று தான் நினைப்பதாகவும் ஏனென்றால் அவர் இயக்குநர்களைச் சுற்றி வளர்ந்தவர். அதோடு அவரது தந்தை ஒரு இயக்குநர் அவரது சகோதரர் ஒரு இயக்குநர்.
அவருக்கும் வேகமாக கற்கும் புத்திசாலித்தனம் உள்ளது. எனவே, அவர் இயக்குநராக மாறுவது மிகவும் இயல்பானது. ராயன் படத்தினை தனுஷ் அருமையாக இயக்கி நடித்துள்ளார்” என்று கூறினார்.