மகிழ் திருமேனி இயக்கத்தில், அஜித் நடிப்பில் உருவாகி வரும் திரைப்படம் விடாமுயற்சி. த்ரிஷா, அர்ஜூன், ரெஜினா என்று பல்வேறு நடிகர்கள் நடிக்கும் இந்த படத்திற்கு, அனிருத் இசையமைத்துள்ளார்.
நீண்ட நாட்களாக தயாரிப்பு பணியில் இருக்கும் இந்த திரைப்படம், தீபாவளிக்கு வருமா? வராதா? என்று பெரிய விவாதமே இணையத்தில் நடந்து வருகிறது. இந்நிலையில், இந்த விவாதத்தை முடிவுக்கு கொண்டு வரும் வகையில், புதிய தகவல் ஒன்று கிடைத்துள்ளது.
அதாவது, விடாமுயற்சி படத்தின் பின்னணி பணிகள் கிட்டதட்ட முடிந்துவிட்டதாகவும், இன்னும் ஒரேயொரு பாடல் காட்சியை மட்டும் எடுக்க வேண்டும் என்றும், சொல்லப்படுகிறது.
அந்த பாடலை முடித்துவிட்டால், படத்தின் பணிகள் முழுவதுமாக முடிந்துவிடும் என்றும் கூறப்படுகிறது.
இதனை வைத்து பார்க்கும்போது, விடாமுயற்சி தீபாவளிக்கு ரிலீஸ் ஆக அதிக வாய்ப்பு உள்ளது என்று சொல்லப்படுகிறது. மேலும், இதுதொடர்பான அறிவிப்பு, இந்த மாத இறுதியில் வெளியாகும் என்றும் எதிர்பார்க்கப்படுகிறது.