ஜெயிலர் படத்திற்கு பிறகு, டி.ஜே.ஞானவேல் ராஜா இயக்கத்தில் உருவாகும் வேட்டையன் என்ற படத்தில், ரஜினிகாந்த் நடித்துள்ளார்.
போலி என்கவுண்டரை மையமாக வைத்து எடுக்கப்பட்டுள்ள இந்த திரைப்படத்தில், ஃபகத் ஃபாசில், அமிதாப் பச்சன் என்று பல்வேறு பிரபலங்கள் நடித்துள்ளனர். அடுத்த மாதம் 10-ஆம் தேதி அன்று, இந்த திரைப்படம் ரிலீஸ் ஆக உள்ளது.
ரிலீஸ்-க்கு இன்னும் ஒரு மாதம் மட்டுமே இருப்பதால், புரமோஷன் பணிகளை, படக்குழுவினர் தொடங்கியுள்ளனர். அதன் ஒருபகுதியாக, இப்படத்தின் முதல் சிங்கிளை நாளை 5 மணிக்கு படக்குழுவினர் வெளியிட உள்ளனர்.
அதற்கு முன்னதாக, படத்தின் கிளிம்ஸ் வீடியோவை படக்குழுவினர் வெளியிட்டுள்ளனர்.
மறைந்த பாடகர் மலேசியா வாசுதேவனின் குரல், AI தொழில்நுட்பம் மூலம் மீண்டும் கொண்டுவரப்பட்டு, இந்த பாடலில் பயன்படுத்தியிருப்பதாக, இந்த கிளிம்ப்ஸ் வீடியோவில் கூறப்பட்டுள்ளது.