நடிகர் விஜய் முழுநேர அரசியலில் நுழைய இருப்பதால், இன்னும் ஒரே ஒரு படத்தில் மட்டும் நடித்துவிட்டு, சினிமாவில் இருந்து விலக உள்ளார். இந்த படத்திற்கான, அதிகாரப்பூர்வ அறிவிப்பு, இன்று மாலை 5 மணிக்கு அறிவிக்கப்பட உள்ளது.
எச்.வினோத் இயக்க உள்ள இப்படத்தில், சத்யன் சூரியன் ஒளிப்பதிவாளராகவும், அனிருத் இசையமைப்பாளராகவும் பணியாற்ற உள்ளனர்.
இந்நிலையில், தளபதி 69 படத்திற்காக, விஜய் வாங்க உள்ள சம்பளம் தொடர்பான தகவல், இணையத்தில் கசிந்துள்ளது. அதன்படி, இந்த படத்திற்கு, நடிகர் விஜய், ரூபாய் 275 கோடி சம்பளமாக வாங்க உள்ளாராம்.
இந்த தகவல் உறுதியானால், நடிகர் ஷாருக்கானை விட அதிக சம்பளம் வாங்கும் நடிகராக விஜய் மாறுவார். நடிகர் ஷாருக்கான், ஒரு படத்திற்கு, 250 கோடி ரூபாய் சம்பளமாக வாங்குகிறார் என்பது குறிப்பிடத்தக்கது.