தி கோட் படத்திற்கு பிறகு, எச்.வினோத் இயக்கத்தில் உருவாகும் படத்தில் விஜய் நடிக்க உள்ளார். விஜயின் கடைசி படமான இதை, கே.வி.என்.புரொடக்ஷன் என்ற நிறுவனம் தான் தயாரிக்க உள்ளது.
இப்படத்தில் நடிக்க உள்ள நடிகர் மற்றும் நடிகைகளின் அறிவிப்பை, படக்குழுவினர் ஒவ்வொன்றாக வெளியிட்டு வருகின்றனர்.
அந்த வகையில், பாபி தியோல், பூஜா ஹெக்டே ஆகியோரின் போஸ்டர்கள், இதுவரை வெளியாகி இருக்கிறது.
இந்நிலையில், மலையாள நடிகை மமிதா பைஜூவும், இப்படத்தில் நடிக்க இருப்பதாக, தற்போது அறிவிக்கப்பட்டுள்ளது. இதுதொடர்பான போஸ்டரும் வெளியிடப்பட்டுள்ளது.