சென்னையில் இன்று இந்திய விமானப் படையின் வான் சாகசம்!

விமானப்படை தினத்தை முன்னிட்டு சென்னை மெரீனா கடற்கரையில் பிரம்மாண்ட விமான சாகச நிகழ்ச்சி நடைபெறுகிறது.

1932-ம் ஆண்டும் அக்.8 தேதி இந்திய விமானப்படை தொடங்கப்பட்டது. விமானப் படை தொடங்கப்பட்டு 92 ஆண்டுகள் நிறைவடைந்து 93-ம் ஆண்டில் அடியெடுத்து வைத்துள்ளது.

இதைக் கொண்டாடும் வகையில், சென்னை மெரினா கடற்கரையில் இன்று (அக்.6) மிகப் பெரிய விமான வான் சாகச நிகழ்ச்சி நடைபெறுகிறது. காலை 11 மணிக்கு தொடங்கும் இந்த சாகச நிகழ்ச்சி மதியம் 1 மணி வரை நடைபெறும். இந்த நிகழ்ச்சி பொதுமக்கள் இலவசமாக கண்டு ரசிக்கலாம்.

நிகழ்ச்சியையொட்டி, 6,500 போலீசார், 1,500 ஊர்க்காவல் படையினர் பாதுகாப்பு பணியில் ஈடுபட்டுள்ளனர். பார்வையாளர்களின் வசதிக்காக மாநகர போக்குவரத்துக் கழகம் சார்பில் பேருந்துகள் மற்றும் மினி பேருந்துகள் இயக்கப்படுகின்றன.