அமரன் பட இயக்குநரின் அடுத்த படம் என்ன?

ரங்கூன் படத்தின் மூலம் இயக்குநராக அறிமுகமானவர் ராஜ்குமார் பெரியசாமி. இந்த படம் ரிலீஸ் ஆகி 7 வருடங்கள் ஆன நிலையில், தற்போது தான் அமரன் என்ற தனது 2-வது படத்தை அவர் இயக்கி முடித்துள்ளார்.

இந்த திரைப்படம், வரும் தீபாவளி பண்டிகை அன்று, திரையரங்குகளில் ரிலீஸ் ஆக உள்ளது. இந்த படத்தின் ரிலீஸ்-க்கு முன்னரே, இன்னொரு படத்தில் ராஜ்குமார் பெரியசாமி கமிட் ஆகியுள்ளார்.

அதாவது, கலைப்புலி எஸ்.தாணு தான், ராஜ்குமார் பெரியசாமியின் அடுத்த படத்தை தயாரிக்க உள்ளார்.

ஒரு படத்தின் வெற்றி தான், அடுத்த படத்தின் தயாரிப்பாளரை முடிவு செய்யும். ஆனால், ராஜ்குமார் பெரியசாமியின் உழைப்பு, வெற்றிக்கு முன்னரே, அவரை அடுத்த இடத்திற்கு அழைத்து சென்றுள்ளது குறிப்பிடத்தக்கது.