தெலுங்கு சினிமாவில் முன்னணி இயக்குநராக இருந்து வருபவர் எஸ்.எஸ்.ராஜமௌலி. மகதீரா, நான் ஈ ஆகிய படங்களின் மூலம், தென்னிந்தியாவில் பிரபலமான இவர், பாகுபலி, பாகுபலி 2, RRR ஆகிய படங்களின் மூலம், இந்தியா முழுவதும் கவனிக்கப்படக் கூடிய இயக்குநராக மாறினார்.
இதனால், இவரது அடுத்த படத்தை பார்ப்பதற்கு, நாடு முழுவதும் உள்ள ரசிகர்கள் மிகவும் ஆர்வமாக உள்ளனர். இந்த படத்தில், நடிகர் மகேஷ் பாபு நடிக்க இருப்பதாகவும், இண்டியானா ஜோன்ஸ் பாணியில் இப்படம் உருவாக உள்ளதாகவும், முதலில் கூறப்பட்டது.
ஆனால், அந்த தகவல் வெளியாகி, பல மாதங்கள் ஆன நிலையில், படப்பிடிப்பு மட்டும் தொடங்கப்படாமலே இருந்து வந்தது. இந்நிலையில், இப்படத்தின் முக்கிய அப்டேட் கிடைத்துள்ளது.
அதாவது, இதுநாள் வரை, படத்தின் ப்ரீ புரொடக்ஷன் பணிகள் தான் நடந்து வந்ததாம். தற்போது அனைத்தும் முடிவாகிவிட்டதால், வரும் ஜனவரி மாதத்தில் இருந்து ஷூட்டிங்கை தொடங்க படக்குழுவினர் முடிவு செய்துள்ளனர்.
மேலும், இப்படத்திற்காக, ஒரு வருடத்திற்கான கால்ஷீட்டை, மகேஷ் பாபுவிடம் இருந்து ராஜமௌலி வாங்கியிருப்பதாகவும் கூறப்படுகிறது.