சுகுமார் இயக்கத்தில், அல்லு அர்ஜூன், ராஷ்மிகா மந்தனா நடிப்பில் உருவாகியுள்ள திரைப்படம் புஷ்பா. கடந்த 2021-ஆம் ஆண்டு ரிலீஸ் ஆன இந்த திரைப்படம், மிகப்பெரிய வரவேற்பை பெற்றது.
இந்த படத்தின் இரண்டாம் பாகம், வரும் டிசம்பர் மாதம் ரிலீஸ் ஆக உள்ளது. இந்நிலையில், முதல் பாகத்தில் இடம்பெற்ற ஊ சொல்றியா மாமா பாடல் போலவே, 2-ஆம் பாகத்திலும் கவர்ச்சி பாடல் ஒன்று இடம்பெற்றுள்ளதாம்.
இந்த பாடலில், யார் நடனம் ஆட இருக்கிறார்கள் என்ற தகவலும் கிடைத்துள்ளது. அதன்படி, இப்பாடலில், நடிகை ஸ்ரீலீலா நடனம் ஆட உள்ளாராம். இதற்கு முன்னர், நடிகர் விஜயின் தி கோட் படத்தில் இடம்பெற்ற, மட்ட பாடலில் நடனம் ஆடுவதற்கும், படக்குழு இவரை அணுகியிருந்தனர்.
ஆனால், அதற்கு மறுப்பு தெரிவித்த அவர், தமிழ் சினிமாவில், கதாநாயகியாக மட்டுமே அறிமுகம் ஆவேன் என்று மறுத்துவிட்டதாக தகவல் பரவியது என்பது குறிப்பிடத்தக்கது.