நடிகர் சூர்யா நடிப்பில் கடைசியாக எதற்கும் துணிந்தவன் என்ற திரைப்படம் வெளியாகி இருந்தது. இந்த திரைப்படம் வெளியாகி கிட்டதட்ட 2 ஆண்டுகள் ஆகிவிட்ட நிலையில், வரும் நவம்பர் 14-ஆம் தேதி அன்று, மிகவும் எதிர்பார்ப்புக்கு உரிய கங்குவா திரைப்படம் ரிலீஸ் ஆக உள்ளது.
இந்நிலையில், சூர்யாவின் 44 மற்றும் 45-வது படங்கள் எப்போது ரிலீஸ் ஆக உள்ளது என்ற தகவல் கிடைத்துள்ளது. அதன்படி, கார்த்திக் சுப்புராஜ் இயக்கியுள்ள சூர்யா 44 திரைப்படம், மார்ச் மாதத்தில் ரிலீஸ் ஆகும் என்று கூறப்படுகிறது.
மேலும், ஆர்.ஜே.பாலாஜி இயக்கி வரும் சூர்யா 45 திரைப்படம், ஜூலை அல்லது ஆகஸ்டு மாதம் ரிலீஸ் ஆகும் என்றும் எதிர்பார்க்கப்படுகிறது. 2 வருட இடைவெளிக்கு பிறகு, மிகப்பெரிய பாய்ச்சலில், திரைப்படங்களில் சூர்யா நடித்து வருகிறார் என்பது குறிப்பிடத்தக்கது.