கேரள மாநிலம் கொச்சி பகுதியில், கங்குவா படத்தின் புரமோஷன் நிகழ்ச்சி நடைபெற்றது. இந்த நிகழ்ச்சியில் கலந்துக் கொண்ட சூர்யா, ரசிகர்களிடம் உரையாற்றினார்.
அப்போது பேசிய அவர், 700 ஆண்டுகளுக்கு முன் நடக்கும் விஷயங்களை மையப்படுத்தி கங்குவா திரைப்படம் உருவாகியுள்ளது என்று தெரிவித்தார்.
மேலும், 4 பழங்குடியின குழுக்களுக்கு இடையே நடக்கும் கருத்து வேறுபாடு, போராசை ஆகியவற்றை பேசும் கதை தான் இது என்றும் அவர் கூறினார்.
தொடர்ந்து, இது ஒரு அதிரடி ஆக்ஷன் படமாக உருவாகி இருந்தாலும், உணர்ச்சிபூர்வமான காட்சிகளும் இடம்பெற்றிருக்கும் என்று, சூர்யா தெரிவித்துள்ளார்.