சென்னை மணிகங்கலம் அடுத்த படப்பை விவேகானந்தா நகரை சேர்ந்தவர் வெங்கடேசன் (44). இவர் சக்தி சவுண்ட் சர்வீஸ் என்ற பெயரில் ஒலி ஒளி அமைத்து வந்தார்.
இந்த நிலையில் செரப்பனஞ்சேரி பகுதியில் திருமண வரவேற்பு நிகழ்ச்சிக்காக வண்டலூர், வாலாஜாபாத் நெடுஞ்சாலையை செர்பணச்சேரி அருகே கொடிக்கம்பங்களை நடவும் பணியில் ஈடுபட்டு வந்துள்ளார்.
அப்போது அருகில் இருந்த மின்கம்பியில், இரும்பு கொடிக்கம்பம் உரசியதில் மின்சாரம் பாய்ந்து வெங்கடேசன் தூக்கி வீசப்பட்டார். பிறகு அங்கு இருந்தவர்கள், அவரை மீட்டு தாம்பரத்தில் உள்ள தனியார் மருத்துவமனைக்கு கொண்டு சென்றனர்.
பிறகு அங்கிருந்து குரோம்பேட்டை அரசு மருத்துவமனைக்கு கொண்டு சென்று அனுமதித்த நிலையில் மருத்துவர்கள் பரிசோதித்து, அவர் ஏற்கனவே இறந்து விட்டதாக தெரிவித்துள்ளனர். இது குறித்து மணிமங்கலம் போலீசார் விசாரணை நடத்தி வருகின்றனர்.