பா.பாண்டி படத்தின் மூலம் இயக்குநராக அறிமுகமானவர் நடிகர் தனுஷ். இந்த படத்திற்கு பிறகு, ராயன் என்ற ஆக்ஷன் படத்தை இயக்கினார். இதையடுத்து, நிலவுக்கு என்மேல் என்னடி கோபம் என்ற இளைஞர்கள் பற்றிய படத்தை இயக்கினார்.
இதில், நிலவுக்கு என்மேல் என்னடி கோபம் திரைப்படம், இன்னும் ரிலீஸ் ஆகாமல் உள்ளது. இவ்வாறு இருக்க, அருண் விஜய், நித்யா மேனன் உள்ளிட்ட நடிகர்களை வைத்து, இட்லிக் கடை என்ற படத்தை தற்போது இயக்கி வருகிறார். இதில், சிறப்புத் தோற்றத்தில் அவர் நடித்திருப்பதாகவும் கூறப்படுகிறது.
உத்தமபுத்திரன், யாரடி நீ மோகினி படங்களை போன்று இந்த திரைப்படம் இருக்கும் என்று சொல்லப்படுகிறது. இவ்வாறு இருக்க, இந்த திரைப்படத்தின் ரிலீஸ் தேதி தொடர்பான அறிவிப்பை படக்குழுவினர் இன்று வெளியிட்டுள்ளனர். அதன்படி, வரும் ஏப்ரல் 10-ஆம் தேதி அன்று அந்த திரைப்படம் ரிலீஸ் ஆக உள்ளது.
