கங்குவா திரைப்படம் வரும் நவம்பர் 14-ஆம் தேதி அன்று, திரையரங்குகளில் ரிலீஸ் ஆக உள்ளது. ரிலீஸ்-க்கு இன்னும் ஒரு வாரமே இருப்பதால், தமிழ், தெலுங்கு, இந்தி என்று பல்வேறு மொழிகளில், படக்குழுவினர் புரமோஷன் செய்து வருகின்றனர்.
இந்நிலையில், தெலுங்கு மொழியில் புரமோஷன் செய்ய நடிகர் சூர்யா சென்றபோது, சுவாரசிய சம்பவம் ஒன்று நடந்துள்ளது. அதாவது, நடிகர் பாலகிருஷ்ணா தொகுத்து வழங்கி வரும் பிரபல நிகழ்ச்சி ஒன்றிற்கு, சூர்யா சென்றுள்ளார்.
அப்போது, நடிகர் கார்த்திக்கு செல்போனில் அழைப்பு விடுத்த பாலய்யா, சூர்யா தொடர்பான ரகசியங்களை கேட்டுள்ளார். அதற்கு, சிக்கு புக்கு ரயிலு பாடலில் வரும் நடிகையை சூர்யாவுக்கு மிகவும் பிடிக்கும் என்று கார்த்தி கூறியுள்ளார்.
இதனை கேட்டு, “கௌதமியா..,” என்று பாலகிருஷ்ணா அதிர்ச்சி அடைந்துள்ளார். இதுதொடர்பான வீடியோ, இணையத்தில் வைரலாகி வருகிறது.