கனமழை எதிரொலி – எந்தெந்த மாவட்டங்களுக்கு விடுமுறை?

மயிலாடுதுறை அருகே, கனமழை வெளுத்து வாங்கியதால், பள்ளி கல்லூரிகளுக்கு, விடுமுறை அறிவிக்கப்பட்டுள்ளது.

தென்மேற்கு வங்க கடலில் ஏற்பட்டுள்ள காற்றழுத்த தாழ்வு நிலை காரணமாக, தமிழகத்தின் பல்வேறு பகுதிகளில் தொடர் மழை பெய்து வருகிறது.

அந்த வகையில், மயிலாடுதுறை மாவட்டத்திலும், நேற்று இரவு தொடங்கிய மழை, விடிய விடிய கொட்டித் தீர்த்தது.

இதன்காரணமாக, மயிலாடுதுறை மாவட்டத்தில் உள்ள பள்ளி, கல்லூரிகளுக்கு விடுமுறை அளித்து, மாவட்ட ஆட்சியர் ஏ. பி மகாபாரதி உத்தரவிட்டுள்ளார்.

இதேபோல், விழுப்புரம், காரைக்கல் மாவட்டங்களிலும், பள்ளி, கல்லூரிகளுக்கு விடுமுறை அளிக்கப்பட்டுள்ளது. மேலும், அரியலூர், பெரம்பலூர், கடலூர் ஆகிய மாவட்டங்களில், பள்ளிகளுக்கு மட்டும் விடுமுறை அளித்து, மாவட்ட ஆட்சியர்கள் உத்தரவிட்டுள்ளனர்.