சிதம்பரம் அருகே, பேருந்து நிலையத்தின் மேற்கூரையில் உள்ள சிமெண்ட் காரை கீழே விழுந்ததால், பரபரப்பு ஏற்பட்டது.
கடலூர் மாவட்டம் சிதம்பரம் பகுதியில் உள்ள பேருந்து நிலையம், மிகவும் பழமையான பேருந்து நிலையங்களில் ஒன்று. மிகவும் பாழடைந்த நிலையில் உள்ள இந்த பேருந்து நிலையத்தை, சீரமைக்க வேண்டும் என்று, அப்பகுதி மக்கள் கோரிக்கை வைத்து வந்தனர்.
இந்நிலையில், பேருந்த நிலைய மேற்கூரையின் சிமெண்ட் காரை, இன்று பெயர்ந்து கீழே விழுந்தது. இந்த சம்பவத்தில், அதிர்ஷ்டவசமாக பொதுமக்கள் யாருக்கும் எந்தவொரு பாதிப்பும் ஏற்படவில்லை. இருப்பினும், சிமெண்ட் காரை கீழே விழுந்ததால், அப்பகுதியில் பெரும் பரபரப்பு ஏற்பட்டது.