இந்தோனேசியாவின் சுமத்ரா தீவில் கடந்த சில நாட்களாக தொடர்ந்து கனமழை பெய்து வருகிறது. இந்த காரணமாக அங்கு நிலச்சரிவு ஏற்ப்பட்டுள்ளது. இந்த நிலச்சரிவில் 27 பேர் உயிரிழந்தனர். 20 க்கும் மேற்பட்டோர் படுகாயமடைந்தனர்.
இதையடுத்து உடனடியாக சம்பவ இடத்திற்கு வந்த மீட்புப்படையினர் படுகாயமடைந்தவர்களை மீட்டு மேடான் நகரில் உள்ள மருத்துவமனைக்கு அனுப்பி வைத்தனர்.
நிலச்சரிவில் மேலும் சில வாகனங்கள் சிக்கியுள்ளதாகவும் அவர்களை வெளியேற்ற 2 நாட்கள் ஆகலாம் எனவும் தகவல் வெளியாகியுள்ளது. இந்த வார தொடக்கத்தில், வடக்கு சுமத்ரா மாகாணத்தின் மலைப்பகுதிகளில் நான்கு இடங்களில் திடீர் வெள்ளம் மற்றும் நிலச்சரிவுகளால் 20 பேர் உயிரிழந்தனர் என்பது குறிப்பிடத்தக்கது.