மலையாள சினிமாவில் முதன்மையாக நடித்து வருபவர் ஃபகத் ஃபாசில். வேலைக்காரன் திரைப்படத்தின் மூலம், தமிழில் அறிமுகமான இவர், விக்ரம், மாமன்னன், சூப்பர் டீலக்ஸ், வேட்டையன் ஆகிய படங்களில் இதுவரை நடித்திருக்கிறார்.
மேலும், புஷ்பா படத்தின் மூலம் தெலுங்கு மொழியிலும் களமிறங்கியுள்ள இவர், அதன் இரண்டாம் பாகத்தில், வெறித்தனமான வில்லனாக மிரட்டியிருக்கிறார்.
இந்நிலையில், தனது அடுத்த ஆட்டத்தை ஆரம்பிக்க ஃபகத் ஃபாசில் முடிவு செய்துள்ளார். அதாவது, இம்தியாஸ் அலி இயக்கத்தில், பாலிவுட்டில் புதிய திரைப்படம் ஒன்று உருவாக உள்ளது.
இந்த திரைப்படத்தில், ஃபகத் ஃபாசில் முக்கிய வேடம் ஒன்றில் நடிக்க உள்ளார். மேலும், அனிமல் படத்தில் முக்கிய வேடத்தில் நடித்திருந்த த்ரிப்தி டிம்ரியும், நடிக்க உள்ளாராம்.