“அஜித் என்மேல் கோபமாக இருக்கிறார்” – வெங்கட் பிரபு!

வெங்கட் பிரபு இயக்கத்தில், தளபதி விஜய் நடிப்பில் உருவான திரைப்படம் தி கோட். டீ ஏஜிங் என்ற வித்தியாசமான தொழில்நுட்பத்தை பயன்படுத்தி ரிலீஸ் ஆன இந்த திரைப்படம், ரசிகர்கள் மத்தியில் மிகப்பெரிய வெற்றியை பெற்றிருந்தது. இந்நிலையில், இயக்குநர் வெங்கட் பிரபு, பேட்டி ஒன்றை அளித்துள்ளார்.

அந்த பேட்டியில், மங்காத்தா படத்திற்கு பிறகு, அஜித் படங்களை ஏன் இயக்கவில்லை என்று கேள்வி கேட்கப்பட்டது. அதற்கு பதில் அளித்த அவர், “மங்காத்தா படத்திற்கு பிறகு, அஜித்தின் படங்களை இயக்குவதற்கு நிறைய வாய்ப்புகள் வந்தது. ஆனால், சில படங்களில் ஒப்பந்தம் ஆகி இருந்ததால், இயக்க முடியவில்லை.

இதனால், அஜித் என்மீது கோபமாக உள்ளார் என்று நினைக்கிறேன். ஆனால், அவரது அழைப்புக்காக நான் காத்துக் கொண்டு இருக்கிறேன்” என்று தெரிவித்துள்ளார். இவரது கோரிக்கையை ஏற்று, அஜித் அழைப்பு விடுத்தால், இந்த வெற்றிக் கூட்டணி, மீண்டும் இணையும் என்று கூறப்படுகிறது.