கங்குவா படத்திற்கு பிறகு, கார்த்திக் சுப்புராஜ் இயக்கத்தில் தனது 44-வது திரைப்படத்தில் சூர்யா நடித்து வந்தார். இந்த படத்தின் படப்பிடிப்பு சமீபத்தில் முடிந்த நிலையில், படத்தின் பின்னணி பணிகளை படக்குழுவினர் கவனித்து வருகின்றனர்.
இந்நிலையில், இப்படத்தின் டைட்டில் டீசர் இன்று வெளியிடப்பட்டுள்ளது. இதில் இடம்பெற்ற, சூர்யாவின் புதுவிதமான வசன உச்சரிப்பும், பிரம்மிக்க வைக்கும் ஆக்ஷன் காட்சிகளும், ரசிகர்களை வெகுவாக கவர்ந்துள்ளது.
மேலும் இந்த டைட்டில் டீசரில், படத்திற்கு ரெட்ரோ என்று பெயர் வைக்கப்பட்டிருப்பதாகவும், கோடை விடுமுறைக்கு படம் ரிலீஸ் ஆகும் என்றும், கூறப்பட்டுள்ளது.