அஜித்தின் தீனா படத்தின் மூலம் இயக்குநராக அறிமுகமானவர் ஏ.ஆர்.முருகதாஸ். இந்த படத்திற்கு பிறகு, ரமணா, கஜினி, ஏழாம் அறிவு, துப்பாக்கி, கத்தி, சர்க்கார் என்று பல்வேறு வெற்றிப் படங்களை இயக்கியுள்ளார்.
கடைசியாக, அவர் இயக்கிய தர்பார் திரைப்படம் மட்டும், படுதோல்வியை சந்தித்தது. எனவே, நீண்ட நாட்களாக படத்தை இயக்காமல் இருந்த இவர், தற்போது சிவகார்த்திகேயனை வைத்து ஒரு படத்தையும், இந்தியில் சல்மான் கானை வைத்து சிக்கந்தர் என்ற படத்தையும் இயக்கி வருகிறார்.
இந்நிலையில், இன்று சிக்கந்தர் படத்தின் டீசரை படக்குழுவினர் வெளியிட்டுள்ளனர். அந்த டீசர், தற்போது வைரலாக பரவி வருகிறது.