ஆதிக் ரவிச்சந்திரன் இயக்கத்தில், அஜித், த்ரிஷா உள்ளிட்டோர் நடிப்பில் உருவாகியுள்ள திரைப்படம் குட் பேட் அக்லி. ஜி.வி.பிரகாஷ் இசையமைத்துள்ள இந்த திரைப்படத்தை, மைத்ரி மூவி மேக்கர்ஸ் என்ற தெலுங்கு தயாரிப்பு நிறுவனம், தயாரித்துள்ளது.
இப்படம், வரும் பொங்கல் தினத்தன்று ரிலீஸ் ஆகும் என்று கூறப்பட்டது. ஆனால், விடாமுயற்சியின் ரிலீஸ் தாமதம் ஆனதால், இப்படத்தின் ரிலீஸ்-ம் தாமதம் செய்யப்பட்டது. இந்நிலையில், இப்படத்தின் புதிய ரிலீஸ் தேதியை படக்குழுவினர் தற்போது வெளியிட்டுள்ளனர்.
அதன்படி, இப்படம் வரும் ஏப்ரல் 10-ஆம் தேதி ரிலீஸ் ஆகும் என்று கூறப்படுகிறது. மேலும், வெறித்தனமான அஜித்தின் புகைப்படம் ஒன்றையும் படக்குழுவினர் வெளியிட்டு, ரசிகர்களை குஷியில் ஆழ்த்தியுள்ளனர்.