சுந்தர் சி இயக்கத்தில், விஷால், சந்தானம், அஞ்சலி, வரலஷ்மி, சோனு சூட் நடிப்பில் உருவான திரைப்படம் மதகஜராஜா. 12 வருடங்களுக்கு முன்பே ரிலீஸ் ஆக வேண்டிய இந்த திரைப்படம், பல்வேறு போராட்டங்களுக்கு பிறகு, கடந்த ஞாயிற்றுக் கிழமை அன்று ரிலீஸ் ஆனது.
முதல் நாளிலேயே நல்ல விமர்சனங்களை பெற்ற இந்த திரைப்படம், பாக்ஸ் ஆபிசிலும் சாதனை படைத்து வந்தது. இந்நிலையில், இப்படத்தின் 4 நாட்கள் வசூல் நிலவரம் தெரியவந்துள்ளது.
அதன்படி, 24 கோடி ரூபாயை, இப்படம் வசூலித்துள்ளதாம். 15 கோடி ரூபாய் பட்ஜெட்டில் உருவான இப்படம், 4 நாட்களிலேயே, பட்ஜெட்டை காட்டிலும், கிட்டதட்ட 2 மடங்கு அதிகமாக வசூலித்திருப்பது, பலரையும் ஆச்சரியம் அடைய வைத்துள்ளது. மேலும், இந்த வார இறுதிக்குள், 50 கோடி ரூபாயை, இப்படம் வசூலிக்கும் என்றும் எதிர்பார்க்கப்படுகிறது.