காதலும் கடந்து போகும், காலா, விக்ரம் வேதா போன்ற படங்களில், குணசித்திர வேடங்களில் நடித்தவர் மணிகண்டன். குட் நைட் படத்தின் மூலம், ஹீரோவாக மாறிய இவர், லவ்வர் என்ற வெற்றிப் படத்தில் நடித்திருந்தார்.
இவ்வாறு தொடர் வெற்றிப் படங்களை கொடுத்து வந்த மணிகண்டன், தற்போது குடும்பஸ்தன் என்ற படத்தில் நடித்துள்ளார். இப்படம், நேற்று ரிலீஸ் ஆன நிலையில், ரசிகர்கள் மத்தியில் நல்ல வரவேற்பை பெற்று வருகிறது.
இந்நிலையில், இப்படத்தின் வசூல் நிலவரம் என்னவென்று தெரியவந்துள்ளது. அதன்படி, உலகம் முழுவதும், முதல் நாளில் மட்டும், 1.5 கோடி ரூபாயை வசூலித்துள்ளது. படத்திற்கு நல்ல விமர்சனங்கள் கிடைத்திருப்பதால், நிச்சயம் ப்ளாக் பஸ்டர் வெற்றியை பெறும் என்று எதிர்பார்க்கப்படுகிறது.