அஜித்தின் விடாமுயற்சி திரைப்படம் கடந்த 6-ஆம் தேதி அன்று ரிலீஸ் ஆனது. இதையடுத்து, அவர் நடித்துள்ள குட் பேட் அக்லி என்ற திரைப்படம், வரும் ஏப்ரல் 10-ஆம் தேதி அன்று ரிலீஸ் ஆக உள்ளது. இந்த இரண்டு திரைப்படங்களுக்கு பிறகு, தொடர்ச்சியாக கார் ரேஸில் அஜித் கவனம் செலுத்த உள்ளார்.
இவ்வாறு இருக்க, அஜித்தின் அடுத்த படம் தொடர்பான தகவல் ஒன்று கசிந்துள்ளது. அதாவது, அஜித்தின் 64-வது படத்தை, சிவா அல்லது விஷ்னு வர்தன் இயக்குவதற்கு வாய்ப்பு இருப்பதாக, சமீபத்தில் தகவல் கசிந்திருந்தது. ஆனால், தற்போது வந்துள்ள தகவலின்படி, அஜித்தின் 64-வது படத்தை, கார்த்திக் சுப்புராஜ் இயக்குவதற்கு வாய்ப்பு இருப்பதாக கூறப்படுகிறது.
இதற்கான பேச்சுவார்த்தை தற்போது நடந்து வருவதாகவும் சொல்லப்படுகிறது. பீட்சா, ஜிகர்தண்டா, ஜிகர்தண்டா 2, பேட்ட போன்ற பல்வேறு வெற்றிப் படங்களை இயக்கியவர் கார்த்திக் சுப்புராஜ். இவர் தற்போது சூர்யாவை வைத்து, ரெட்ரோ என்ற படத்தை இயக்கி வருகிறார் என்பது குறிப்பிடத்தக்கது.