ராஜா ராணி படத்தின் மூலம் இயக்குநராக அறிமுகமானவர் அட்லி. இந்த படத்திற்கு பிறகு, தெறி, மெர்சல், பிகில் என்று தொடர் வெற்றிப் படங்களை இயக்கிய இவர், பாலிவுட்டில் ஷாருக்கானை வைத்து, ஜவான் என்ற படத்தை இயக்கியிருந்தார்.
மிகப்பெரிய வெற்றி அடைந்த இந்த திரைப்படம், ஆயிரம் கோடி ரூபாயை வசூலித்திருந்தது. இதனால், இவரது அடுத்த படத்தை எதிர்நோக்கி, ரசிகர்கள் அனைவரும் ஆர்வமாக காத்திருந்தனர். இதற்கிடையே, இவரது அடுத்த படம் தொடர்பான அறிவிப்பு இன்று வெளியானது.
அந்த அறிவிப்பில், சன் பிக்சர்ஸ் நிறுவனம் தயாரிக்க இருப்பதாகவும், அல்லு அர்ஜூன் நடிக்க இருப்பதாகவும் கூறப்பட்டது. இந்நிலையில், இப்படத்தின் பட்ஜெட் தொடர்பான தகவல் கிடைத்துள்ளது.
அதன்படி, இந்த படத்தை 600 கோடி ரூபாய் பட்ஜெட்டில் தயாரிக்க உள்ளார்களாம். ஒரே படத்தை பல நூறு கோடி ரூபாய் பட்ஜெட்டில் தயாரிக்க இருப்பது, தமிழ் சினிமாவில் பெரும் ஆச்சரியத்தை ஏற்படுத்தியுள்ளது.