இயக்குநர் சொன்ன ஒரே ஒரு வார்த்தை.. கண்கலங்கிய நடிகை சமந்தா..

நடிகை சமந்தா நடித்துள்ள “சகுந்தலம்” என்ற திரைப்படம், தமிழ், தெலுங்கு, மலையாளம், கன்னடம், இந்தி ஆகிய மொழிகளில் உருவாகிள்ளது. வரும் பிப்ரவரி 17-ஆம் தேதி அன்று இந்த திரைப்படம் வெளியாக உள்ளது.

இந்நிலையில், இந்த படத்திற்கான டிரைலர் வெளியீட்டு விழா நேற்று நடைபெற்றது. இந்த நிகழ்ச்சியில் கலந்துக் கொண்ட இயக்குநர் குணசேகர், இப்படத்தின் உண்மையான ஹீரோ சமந்தா தான் என்றும், அவர் சிறந்த நடிகை என்றும் தெரிவித்துள்ளார்.

இதனைக் கேட்டு உணர்ச்சிவசப்பட்ட நடிகை சமந்தா, விழா மேடையிலேயே கண்கலங்கினார். இதுதொடர்பான வீடியோ, சமூக வலைதளங்களில் வைரலாகி வருகிறது.