இந்தியா
டெல்லி மாநகராட்சி தேர்தல் : பாஜகவை வீழ்த்தி ஆம் ஆத்மி வெற்றி
டெல்லியில் நடைபெற்ற மாநகராட்சி தேர்தலில் பாஜகவை பின்னுக்கு தள்ளி ஆம் ஆத்மி கட்சி வெற்றி பெற்றுள்ளது.
250 வார்டுககளை கொண்ட டெல்லி மாநகராட்சிக்கு கடந்த 4ம் தேதி வாக்குப்பதிவு நடைபெற்றது. இந்த தேர்தலில் பதிவான வாக்குகள் எண்ணும் பணி இன்று காலை 8 மணியளவில் தொடங்கியது. வாக்கு எண்ணிக்கை தொடங்கியதும் பாஜக மற்றும் ஆம் ஆத்மி கட்சிகள் இடையே இழுபறி நீடித்து வந்தது.
இந்நிலையில் மாநகராட்சி தேர்தல் முடிவுகள் வெளிவந்துள்ளது. அதன்படி ஆம் ஆத்மி 134 வார்டுகளில் வெற்றி பெற்றுள்ளது. பாஜக 104 இடங்களிலும், காங்கிரஸ் 9 இடங்களிலும், சுயேட்சை வேபாளர்கள் 3 இடங்களிலும் வெற்றி பெற்றுள்ளது.
கடந்த 2007ம் ஆண்டு முதல் 15 ஆண்டுகளாக டெல்லி மாநகராட்சியை பாஜக நிர்வகித்து வந்த நிலையில் இந்த முறை ஆம் ஆத்மி கட்சி வெற்றி பெற்றுள்ளது.
You must be logged in to post a comment Login