சூர்யா நடிப்பில், சமீபத்தில் ரிலீஸ் ஆன கங்குவா திரைப்படம் நன்றாக தான் உள்ளது என்று, நடிகர் சூரி தெரிவித்துள்ளார்.
தூத்துக்குடி மாவட்டத்தில் உள்ள திருச்செந்தூர் முருகன் கோவிலுக்கு, நடிகர் சூரி இன்று வந்திருந்தார். சாமி தரிசனம் செய்துவிட்டு செய்தியாளர்களை சந்தித்த அவர், விடுதலை படத்தின் இரண்டாம் பாகம் வெளியீட்டுக்கு பிறகு, வெற்றிமாறன் பங்களிப்பில் உருவாகும் இன்னொரு படத்தின் அறிவிப்பு வெளியாகும் என்று தெரிவித்தார்.
தொடர்ந்து பேசிய சூரி, கங்குவா திரைப்படம் நன்றாக உள்ளது என்றும், தமிழ் சினிமாவை அடுத்த கட்டத்திற்கு எடுத்து செல்ல, கங்குவா படக்குழு முயற்சி செய்துள்ளதாகவும் தெரிவித்தார்.
மேலும், எதிர்மறை விமர்சனம் சமூக வலைதளங்களில் வரவேற்கப்படுகிறது. அதனால் தான், கங்குவா படத்தை சிலர் கடுமையாக விமர்சித்து வருகின்றனர் என்றும், அவர் கூறினார்.