மக்களவை தேர்தலில் பதிவான வாக்குகள் நேற்று எண்ணப்பட்டு முடிவுகள் அறிவிக்கப்பட்டது. தமிழ்நாடு மற்றும் புதுச்சேரியில் உள்ள 40 தொகுதிகளிலும் திமுக கூட்டணி அமோக வெற்றி பெற்றது. அதிமுக கூட்டணி, பாஜக கூட்டணி தோல்வியை சந்தித்தது. தனித்து போட்டியிட்ட நாம் தமிழர் கட்சியும் தோல்வியை சந்தித்தது.
லோக்சபா தேர்தலில் தோல்வியை தழுவியுள்ள அ.தி.மு.க., 11 தொகுதிகளில் மூன்றாம் இடத்திற்கும், ஒரு தொகுதியில் நான்காம் இடத்திற்கும் தள்ளப்பட்டுள்ளது. 35 தொகுதிகளில் போட்டியிட்டு, 20.46 சதவீத ஓட்டுகளை மட்டும் பெற்றுள்ளது. அதுமட்டுமின்றி 7 தொகுதிகளில், அதிமுக டெபாசிட் இழந்துள்ளது
எடப்பாடி பழனிச்சாமி அதிமுகவின் தலைமை பொறுப்பை ஏற்ற பின் தொடர் தோல்விகளை சந்தித்து வருவது அதிமுகவினர் மத்தியில் அதிருப்தியை ஏற்படுத்தியுள்ளது.