சமீபத்தில் ரிலீஸ் ஆன அந்தகன் படத்தில், நடிகர் பிரசாந்த், சிம்ரன், சமுத்திரக்கனி உள்ளிட்டோர் முக்கிய வேடத்தில் நடித்திருந்தனர்.
15 கோடி ரூபாய் பட்ஜெட்டில் உருவாகியிருந்த இப்படம், 3 நாட்களில் எவ்வளவு ரூபாயை வசூலித்துள்ளது என்ற தகவல் தற்போது கசிந்துள்ளது. அந்த தகவலின்படி, 3.5 கோடி ரூபாயை, இப்படம் இதுவரை வசூலித்துள்ளது.
இன்னும் ஒரு வாரத்தில், தங்கலான் திரைப்படம் வர இருப்பதால், அந்தகன் படத்தின் வசூல், வரும் வாரங்களில் பாதிக்கப்படும் என்று எதிர்பார்க்கப்படுகிறது.
அந்தகன் படத்திற்கு நல்ல விமர்சனங்கள் கிடைத்தபோதிலும், முதலீடு செய்த பட்ஜெட்டையே திரும்ப பெற முடியாத சூழல் ஏற்பட வாய்ப்பு இருப்பதாகவும் சொல்லப்படுகிறது.