பாலிவுட்டில் மிகப்பெரிய ஹிட்டடித்த அந்தாதூன் படத்தின் ரீமேக்காக தமிழில் உருவாகியுள்ள படம் அந்தகன். பிரசாந்த் நடிக்கும் இப்படத்தை அவரது தந்தையான தியாகராஜன் இயக்கியுள்ளார்.
இப்படத்தில் பிரியா ஆனந்த், சிம்ரன், கார்த்திக், யோகி பாபு, ஊர்வசி, கேஎஸ் ரவிக்குமார் உள்ளிட்ட பலர் நடித்துள்ளனர். இசையமைப்பாளர் சந்தோஷ் நாரயணன் இப்படத்திற்கு இசையமைத்துள்ளார்.
கடந்த சில தினங்களுக்கு முன்பு படத்தின் டிரைலர் வெளியாகி மிகச் சிறப்பான வரவேற்பை பெற்றிருந்தது. இந்நிலையில் இந்த படத்தின் ரிலீஸ் குறித்த அறிவிப்பை படக்குழுவினர் தற்போது வெளியிட்டுள்ளனர்.
படத்தின் போஸ்டருடன் நடிகர் பிரசாந்த் ரிலீஸ் செய்தியை தன்னுடைய எக்ஸ் தள பக்கத்தில் அறிவித்துள்ளார். படம் வரும் ஆகஸ்ட் 15ம் தேதி சுதந்திர தின கொண்டாட்டமாக வெளியாக உள்ளதாக அவர் அறிவித்துள்ளார்.
பா ரஞ்சி இயக்கத்தில் விக்ரம் நடிப்பில் உருவாகியுள்ள தங்கலான் படமும் ஆகஸ்ட் 15ம் தேதி ரிலீசாக உள்ளது.