ஆந்திரா முதல்வர் ஜெகன் மோகன் ரெட்டியின் தங்கை ஒய்.எஸ்.ஷர்மிளா. கடந்த ஆண்டு ஒய்.எஸ்.ஆர் தெலுங்கானா என்ற கட்சியை துவங்கிய இவர், தீவிர அரசியலில் ஈடுபட்டு வருகிறார். இந்த நிலையில் ஆளும் கட்சியை எதிர்த்து, நடைபயணம் மேற்கொண்ட போது, இவரது ஆதரவாளர்களுக்கும் , முதல்வர் சந்திரசேகர் ராவ் ஆதரவாளர்களுக்கும் இடையே மோதல் ஏற்பட்டது.
இச்சம்பவத்திற்கு நியாயம் கேட்டு சந்திரசேகர் ராவ் வீடு நோக்கி சென்ற ஷர்மிளாவை, காவல்துறையினர் தடுக்க முயன்றும் கேட்காததால், காருடன் கைது செய்தனர். இச்சம்பவம் தெலுங்கானா அரசியல் வட்டாரத்தில் பெரும் பரபரப்பை ஏற்படுத்தியுள்ளது.
