தமிழகம்
மோடியின் பிறந்தநாளை கொண்டாடிய அண்ணாமலை ! 73 ஜோடிகளுக்கு திருமணம் !
பிரதமர் மோடியின் 73-வது பிறந்தநாள் விழாவினை முன்னிட்டு கோவை தெற்கு மாவட்ட பாரதிய ஜனதா சார்பில் தாமரை திருமண விழா என்ற பெயரில் 73 ஜோடிகளுக்கு இலவச திருமணம் நடத்தி வைக்கப்பட்டது.
கோவை போத்தனூர் செட்டிப்பாளையம் பகுதியில் நடைபெற்ற இந்த விழாவில் தமிழக பாரதிய ஜனதா மாநில தலைவர் அண்ணாமலை கலந்து கொண்டு 73 ஜோடிகளுக்கு திருமணத்தை நடத்தி வைத்தார். இதில் , தாலியை எடுத்துக்கொடுத்து மணமக்களுக்கு திருமணம் செய்து வைத்து அவர்களை வாழ்த்தினார். விழாவில் திருமணம் செய்துகொண்ட 73 ஜோடிகளுக்கும் 73 விதமான சீர்வரிசை பொருட்கள் வழங்கப்பட்டன. தலா ஒரு நாட்டு மாடு மற்றும் கிரைண்டர், மிக்சி, பீரோ, கட்டில், மெத்தை, குத்துவிளக்கு, பூ, பழம், காய்கறிகள், பாய், வீட்டு பாத்திரங்கள் போன்ற பொருள்களை புதுமண தம்பதிகளுக்கு அண்ணாமலை வழங்கினார்.