தமிழ் சினிமாவின் உச்ச நடிகர்களில் ஒருவராக இருப்பவர் சிவகார்த்திகேயன். இவர், தற்போது சுதா கொங்காரா இயக்கத்தில் உருவாகி வரும் பராசக்தி படத்தில் நடித்து வருகிறார்.
இந்த படத்திற்கு பிறகு, அட்லியின் இயக்கத்தில் உருவாகும் பேன் இந்தியா படத்தில் நடிக்க இருப்பதாகவும் கூறப்படுகிறது. இந்நிலையில், இந்த படங்களுக்கு பிறகு, சிவகார்த்திகேயன் நடிக்க உள்ள அடுத்த படம் குறித்து, தகவல் வெளியாகியுள்ளது.
அதன்படி, 2018 என்ற மலையாள படத்தை இயக்கிய ஜூட் ஆண்டனி தான், சிவகார்த்திகேயனின் அடுத்த படத்தை இயக்க உள்ளாராம். இந்த படத்தில், நடிகர் ஆர்யா வில்லன் கதாபாத்திரத்தில் நடிக்க உள்ளாராம்.
தற்போது நடித்து வரும் பராசக்தி படத்திலும், சிவகார்த்திகேயனுக்கு வில்லனாக நடிகர் ரவி மோகன் தான் நடித்து வருகிறார். சிவகார்த்திகேயனின் படங்களில், முன்னணி ஹீரோக்கள் தொடர்ச்சியாக, வில்லன்களாக நடித்து வருகின்றனர் என்பது குறிப்பிடத்தக்கது.