தீபாவளி பண்டிகை அன்று, பெரிய நடிகர்களின் திரைப்படங்கள் வெளியாவது வழக்கம். ஆனால், இந்த ஆண்டு, பெரிய ஹீரோக்களின் திரைப்படங்கள் எதுவும் வெளியாகவில்லை.
அதற்கு பதிலாக, பெரிய எதிர்பார்ப்பு உள்ள திரைப்படங்கள் வெளியாக உள்ளன. அதாவது, கார்த்தியின் ஜப்பான், ராகவா லாரன்ஸின் ஜிகர்தண்டா 2, சிவகார்த்திகேயனின் அயலான் ஆகிய படங்கள் வெளியாக இருப்பதாக கூறப்பட்டது.
இதில், ஜப்பான் படத்தின் அப்டேட்டும், ஜிகர்தண்டா 2 படத்தின் அப்டேட்டும் தொடர்ச்சியாக வெளியான வண்ணம் உள்ளன. ஆனால், இதுவரை அயலான் படத்தின் எந்தவொரு அப்டேட்டும் வெளியாகவே இல்லை.
இதனை வைத்து பார்க்கும்போது, இப்படம் தீபாவளி ரேஸில் இருந்து விலக அதிக வாய்ப்பு இருப்பதாக கூறப்படுகிறது.
2021-ஆம் ஆண்டே தொடங்கப்பட்டிருந்தாலும், கிராபிக்ஸ் பணிகள் திருப்திகரமாக இல்லை என்பதால், இப்படம் வெளியாகாமலே உள்ளது.
இந்த திரைப்படம், இப்ப வந்துடும், அப்ப வந்துடும் என்று தேவுடு காத்துக் கொண்டிருந்த ரசிகர்களுக்கு, மீண்டும் ஏமாற்றமே மிஞ்சியுள்ளது.