ராசிபுரம் அருகே ஏரியில் பெண் எரிந்த நிலையில் சடலமாக போலீசார் மீட்டனர்.
நாமக்கல் மாவட்டம் ராசிபுரம் புதிய பஸ் நிலையத்தில் இருந்து ஆத்தூர் செல்லக்கூடிய பாதையில் கோனேரிப்பட்டி ஏரி அமைந்துள்ளது.
இந்த ஏரியில் இன்று (நவ.18) காலை ஐந்து மணி அளவில் சடலம் ஒன்று எரிந்து கொண்டிருப்பதாக ராசிபுரம் போலீசாருக்கு தகவல் வந்தது.
இதையடுத்து சம்பவ இடத்திற்கு விரைந்த போலீசார் சடலம் குறித்து எந்த தகவலும் கிடைக்காத நிலையில் தடயவியல் நிபுணர்கள் வரவழைத்து ஆய்வு மேற்கொண்டு வருகின்றனர்.
மேலும், எரிந்த நிலையில் இருந்த பெண் சடலம் அடித்து கொலை செய்யப்பட்டு எரிக்கப்பட்டாரா அல்லது தற்கொலையா என்பது குறித்து ராசிபுரம் போலீசார் தீவிர விசாரணையில் ஈடுபட்டு வருகின்றனர்.