குறுக்கே வந்த பைக்.. உயிர் சேதத்தை தவிர்க்க பேருந்து ஓட்டுநர் எடுத்த முடிவு.. பரபரப்பு சிசிடிவி காட்சி..

தர்மபுரி அருகே, மின் கம்பத்தின் மீது பேருந்து மோதி விபத்துக்குள்ளான சிசிடிவி காட்சிகள், தற்போது வெளியாகி, வைரலாக பரவி வருகிறது.

தர்மபுரி மாவட்டம் கடத்தூர் அருகே உள்ள பாசாரப்பட்டி சாலையில், கடந்த 12-ஆம் தேதி அன்று, தனியார் பேருந்து சென்றுக் கொண்டு இருந்தது. அப்போது, சாலையின் குறுக்கே, இருசக்கர வாகனம் ஒன்று திடீரென வந்துள்ளது.

இதனால், வாகனத்தின் மீது மோதாமல் இருப்பதற்காக, ஓட்டுநர் பேருந்தை திருப்பி உள்ளார். இதன்காரணமாக கட்டுப்பாட்டை இழந்த பேருந்து, மின் கம்பத்தின் மீது மோதி, விபத்து ஏற்பட்டது.

அதிர்ஷ்டவமாக, பயணிகள் யாருக்கும் எந்தவித பாதிப்பும் ஏற்படாத நிலையில், விபத்து தொடர்பான சிசிடிவி காட்சிகள், இன்று வெளியாகியுள்ளது. இந்த காட்சிகள், இணையத்தில் வெளியாகி, வைரலாக பரவி வருகிறது.