பி.வாசு இயக்கத்தில், ரஜினிகாந்த் நடிப்பில், கடந்த 2005-ஆம் ஆண்டு வெளியான திரைப்படம் சந்திரமுகி. பெரும் வெற்றியை பெற்ற இந்த திரைப்படம், பல்வேறு வசூல் சாதனைகளை நிகழ்த்தியிருந்தது.
இந்த படம் வெளியாகி, 19-ஆண்டுகளுக்கு பிறகு, தற்போது அதன் இரண்டாம் பாகம் உருவாகி வருகிறது. இந்த பாகத்தில், நடிகர் ராகவா லாரன்ஸ் முக்கிய கதாபாத்திரத்தில் நடித்து வருகிறார்.
வரும் விநாயகர் சதுர்த்தி அன்று, உலகம் முழுவதும் இந்த திரைப்படம் வெளியாக உள்ளது. இந்நிலையில், இந்த படத்தின் முக்கிய அப்டேட் ஒன்று வெளியாகியுள்ளது.
அதன்படி, இந்த படத்தின் முதல் சிங்கிளான ஸ்வாகதாஞ்சலி என்ற பாடல், இன்று மாலை 5 மணிக்கு வெளியாக உள்ளது. ஸ்ரீநிதி திருமலா பாடிய இந்த மெலடி பாடல் அனைவரையும் கவரும் என எதிர்பார்க்கப்படுகிறது