அருவி படத்தின் மூலம் இயக்குநராக அறிமுகமானவர் அருண் பிரபு. முதல் படத்திலேயே முத்திரை பதித்த இவர், அடுத்ததாக வாழ் என்ற படத்தை இயக்கியிருந்தார். ஆனால், அந்த திரைப்படம் எதிர்பார்த்த வெற்றியை பெறவில்லை.
இவ்வாறு இருக்க, தற்போது விஜய் ஆண்டனியின் நடிப்பில் உருவாகி வரும் சக்தித் திருமகன் என்ற படத்தை, அருண் பிரபு இயக்கி வருகிறார்.
இந்நிலையில், இந்த திரைப்படம் தொடர்பான முக்கிய அப்டேட் ஒன்று வெளியாகியுள்ளது. அதாவது, இந்த திரைப்படத்தின் டீசர், நாளை மாலை 5 மணிக்கு வெளியாக உள்ளது. இதுதொடர்பான அறிவிப்பை, படக்குழுவினர் அதிகாரப்பூர்வமாக வெளியிட்டுள்ளனர்.